საქართველოს პარლამენტში, რიგგარეშე სესიაზე, შს მინისტრის ვახტანგ გომელაურის გამოსვლის დაწყებამდე ლექსო ლაშქარავას ხსოვნისადმი მოწყობილი პერფომანსი კატეგორიულად მიუღებელი აღმოჩნდა საპარლამენტო უმრავლესობისთვის. ფაქტთან დაკავშირებით პოზიცია დააფიქსირა საპარლამენტო უმრავლესობის ლიდერმა, პარტია “ქართული ოცნების” თავმჯდომარე ირაკლი კობახიძემ:
“მინდა შევაფასო ის დესტრუქცია, რომელიც ვიხილეთ დარბაზში – ეს ერთი. მეორე – რაც შეეხება პროტესტის იმ ფორმებს და შინაარსს, რასაც ვხედავთ, ეს არის ამორალური, რა თქმა უნდა, ამორალურია შინაარსით, პირველ რიგში, როდესაც ხდება გარდაცვლილი ჟურნალისტის სიკვდილზე ქულების დაწერა, მცდელობა როდესაც აქვთ ამისი – ერთი პოლიტიკოსებს, როდესაც ამაში რთავენ რიგით ჟურნალისტებს, ეს არის ყველაზე ამორალური ქმედება, რაც კი შეიძლება წარმოვიდგინოთ“, – განაცხადა ირაკლი კობახიძემ.