მომღერალი სოფო ნიჟარაძე, პოდკასტში “Mere?” შვილისა და მამის ძალიან თბილი ურთიერთობის თაობაზე საუბრობს და განსაკუთრებულად აღნიშნავს, თუ როგორი მოსიყვარულე მამაა მიხეილ სააკაშვილი:
“მიშა ძალიან თბილი მამაა. მართლა არც წარმომედგინა, რომ ბავშვებთან ასეთი ურთიერთობა შეეძლო – ძალიან თბილია, ძალიან მოსიყვარულე. აი ვინ აძლევს თავისუფლებას [ალისას], შეიძლება ჩემზე უფრო მეტადაც…
[ალისა] სულ მეუბნება ხოლმე – “აი, რომ გამოვა მიშა, მისი წესებით უნდა ვიცხოვროთ“, იმიტომ რომ მოსწონს მისი წესები, ჰგონია რომ სრული თავისუფლება ექნება ყველაფერში.
ალისასაც ძალიან უყვარს მამა. სულ მეკითხება ხოლმე “როდის დავრუნდება, როდის მოვა ჩვენთან?” – ითხოვს კონკრეტიკას და პასუხი არა მაქვს, ჯერჯერობით.
ძალიან თბილი, ძალიან კარგი ურთიერთობა აქვს… რამდენადაც, რა თქმა უნდა, ახლა შეგვიძლია.
მამამისიდან გამომდინარე ენების მიმართ აქვს ინტერესი. როცა მივდიოდით სულ ეკითხებოდა “შენ რამდენი ენა იცი“, მიშა პასუხობდა “მე 7 ენა ვიცი, შენ უნდა იცოდე 14“. ალისა ეუბნება – “მე უსასრულო რაოდენობის უნდა ვიცოდე“. რაღაცნაირი შეჯიბრი აქვს მამამისთან“, – აღნიშნავს სოფო ნიჟარაძე.
