“ლეიბორისტული პარტიის” თავმჯდომარე შალვა ნათელაშვილი, სოციალურ ქსელში გამოქვეყნებულ სტატუსში, კონკრეტული მედიასაშუალებების მიმართ მწვავე შეფასებებს აკეთებს და მათთან დაკავშირებით გარკვეული სახის ქმედებებისა და სანქციების დაწესების წინადადებით გამოდის:
“სატანიზმისა და ერის გადამშენებელი პუტინ-ბიძინ საბუდარნი, ტელეკომპანიები – იმედი, საზოგადოებრივი, მაესტრო და პოსტ ტვ უნდა დასანქცირდნენ, გაიყინოს მათი და მათი მფლობელ-ხელმძღვანელების საბანკო ანგარიშები გლობალურად, აგრეთვე დაუყოვნებლივი გამორთვა სატელიტური საშუალებებიდან, ეს გადაარჩენს საქართველოს.
ამაზე ვიწყებთ მუშაობას გადაუდებლივ და მთელ მსოფლიოში.
პ.ს. ამ მტრულ არხებზე მომუშავე ჟურნალისტები კი სამუდამოდ უნდა მოიკვეთონ თავისუფალი მასმედიიდან.
გვავალებდნენ და რა გვექნა ჭამა ხომ გვინდოდა – მკვლელის არგუმენტია მხოლოდ“, – აცხადებს შალვა ნათელაშვილი.
