“რამდენიმედღიანი დუმილის შემდეგ, ქოცს ინსქტრუქცია ჩამოუვიდა და პაპუაშვილმაც განცხადება გამოაცხო” – ზაზა ბიბილაშვილი

ჭავჭავაძის კვლევითი ცენტრის დამფუძნებელი ზაზა ბიბილაშვილი, პარლამენტის თავმჯდომარის, შალვა პაპუაშვილის პოზიციას ეხმაურება:

“რამდენიმედღიანი დუმილის შემდეგ, ქოცს ინსქტრუქცია ჩამოუვიდა და პაპუაშვილმაც განცხადება გამოაცხო. ოღონდ, ამათ საცოდაობას დამიხედეთ: ვენესუელაზე საუბარისას ქოცმა მოახერხა არ ეხსენებინა არც ტრამპი, არც ამერიკა და არც – რუსეთი (ვისი შნირიც აიყვანეს). მეტიც, იმ პუტინის ფინია, რომელიც რომელიც 4 წელია, რამდენიმე უკრაინულ სოფელს ვერ იღებს, ქირურგიული სიზუსტით ჩატარებულ ამერიკულ ოპერაციას აკნინებს – აქაოდა, “რამდენიმეწუთიანი” იყოო (ხო, შე ქოცო, რამდენიმე წუთში, თითქმის უდანაკარგოდ შეასრულეს ამოცანა).

სამაგიეროდ, ისევ ევროკავშირს ლანძღავს, რომელიც ან საერთოდ არ ყოფილა სახსენებელი ან მხოლოდ მას მერე უნდა ეხსენებინა, რაც ამერიკასა და რუსეთზე ილაპარაკებდა.

ამ მოცემულობაში, ვენესუელის მიერ საქართველოს რეგიონების აღიარების უკან გასაწვევად რას აკეთებენ, ცხადია, არ უხსენებია. რადგან არაფერს აკეთებენ.

რაღაც ყალბი სადღეგრძელო თქვა, გაიშნიკურ სტილში. ეგ იყო და ეგ.

მერე უკვირთ, რუსებს რატომ გვეძახითო. აი, ამიტომ“, – წერს ზაზა ბიბილაშვილი სოციალურ ქსელში.