“ბოლო დროს ოპოზიციონერმა პოლიტიკანებმა, ენჯეო-“ბაბლმა” და ცალკეულმა საყველპურო ექსპერტებმა ენა შეაჩვიეს ჩვენს ქვეყანას ტერმინებით…” – ზაალ ანჯაფარიძე

ანალიტიკოსი ზაალ ანჯაფარიძე განმარტებებს აკეთებს საზოგადოების გარკვეული ნაწილის მიერ გამოყენებულ კონკრეტულ ტერმინებთან დაკავშირებით:

“ბოლო დროს ოპოზიციონერმა პოლიტიკანებმა, ენჯეო-„ბაბლმა“ და ცალკეულმა საყველპურო ექსპერტებმა ენა შეაჩვიეს ჩვენს ქვეყანას ტერმინებით „ტოტალიტარიზმი“, „ავტორიტარიზმი“, „დიქტატურა“, თუმცა, ფაქტოლოგიაში იჭრებიან.

ამ პოლიტიკოს თუ ექსპერტ „აკაცუკებმა“ ჯერ ქვეყნის კონსტიტუცია წაიკითხონ და მერე გაიაზრონ, თუკი შეუძლიათ, არის თუ არა ქვეყანაში დიქტატურა ან ტოტალიტარიზმი.

3,5 მილიონიან ქვეყანაში 10-მდე მოქმედი(!) ოპოზიციური პარტიაა, 15000 მოქმედი(!) ენჯეო და 30-მდე სხვადასხვა სახის მოქმედი(!) ოპოზიციური მედია. მათ აქვთ სრული თავისუფლება 24/7 რეჟიმში აკრიტიკონ და ლანძღონ ხელისუფლება, უწყვეტ რეჟიმში მოაწყონ მიტინგ/მანიფესტაციები (მათ შორის ძალადობრივი). და ეს მიუთითებს იმაზე, რომ ქვეყანაში ავტოკრატია, დიქტატურა ან ტოტალიტარიზმია?! მათ 2003-2012 „დემოკრატიის შუქურა“ ენატრებათ!

ძალიან გასაგები და მიწიერი ენით ავუხსნი ზოგზოგებს, რომ ნებისმიერი ტოტალიტარული რეჟიმი გარკვეული დოზით არის დიქტატურა. თუმცა, ყველა დიქტატურა არ შეიძლება განვიხილოთ ტოტალიტარულ რეჟიმიდან. ტოტალიტარიზმი არის დიქტატურის, რომ იტყვიან „უკიდურესი“ ფორმა, რომელიც მაქსიმალურად იჭრება ადამიანის ცხოვრების ყველა სფეროში. ეხლა თავად განსაჯეთ, საქართველოში მსგავსი რამ ხდება?!” – წერს ფეისვუქის პირად გვერდზე ზაალ ანჯაფარიძე.