“ლეიბორისტული პარტიის” თავმჯდომარე, შალვა ნათელაშვილი, პარტიის ოფისში გამართულ ბრიფინგზე, ეხმაურება აშშ-ს მიერ ვენესუელაში ჩატარებულ სამხედრო ოპერაციას და ერთგვარ პარალელს ავლებს საქართველოსთან მიმართებაში:
“დღეს ახალი მსოფლიო იქმნება, იქმნება ახალი სამყარო, ირღვევა ძველი მართლწესრიგი.
ივანიშვილის ბანდა საქართველოს მიაქანებდა შუასაუკუნეებრივი ჯურღმულისკენ – საიდანაც ძლივს გამოვაღწიეთ, ისევ იქ გვაბრუნებდა, რასაც ქართველი ხალხი და ჩვენი მოკავშირეები არ დაუშვებდა. არ დაუშვებდა იმას, რომ საქართველო, ეს უძველესი ცივილიზაციის სამშობლო, ევროპული ცივილიზაციის აღმოსავლეთი ფორპოსტი დარჩეს მოსკოვ-პეკინ-თეირანის და ტოტალიტარული სახელმწიფოების ბლოკში.
ჩვენ ძალიან ვნახავთ იმის შედეგებს, რაც მოხდა კარაკასში, უკვე საქართველოსთან მიმართებაშიც. მოგეხსენებათ, რომ საერთაშორისო სამართალი არის პრეცედენტული და რაც მოხდება ერთ ადგილას, როგორც წესი, ის ჯაჭვური რეაქციით ხორციელდება სხვაგანაც – დაველოდოთ შედეგებს“, – განაცხადა შალვა ნათელაშვილმა.
