საქართველოს დამოუკიდებლობასთან დაკავშირებით “ქართული ოცნების” ლიდერების განცხადებებს, კონკრეტული პოზიცია-განმარტებებით ეხმაურება “სტრატეგია აღმაშენებლის” ერთ-ერთი ლიდერი, პაატა მანჯგალაძე:
“როცა “ქართული ოცნება” დამოუკიდებლობაზე ლაპარაკობს გულისხმობს უფლებას, რომ ივანიშვილმა და მისმა დაჯგუფებამ შეუზღუდავად იძალადონ, ძარცვონ და გაყიდონ საქართველო.
ქოცის გზავნილი “დამოუკიდებლობა ყველასგან” სინამდვილეში ნიშნავს კრემლის ნარატივების მექანიკურ გამეორებას, მიზანმიმართულ დაპირისპირებას ევროკავშირთან და ამერიკასთან რაც არის რუსული გეგმა, რომელიც საქართველოს ტოვებს მარტოს დაუცველად.
“ჩვენ უნდა გადავწყვიტოთ” ქოცისთვის სინამდვილეში ნიშნავს ქართველი ხალხის 83%-ის ნებისა და ევროპული არჩევანის დაბლოკვას. “ჩვენში” გულისხმობენ არ ქართველ ხალხს, არამედ ივანიშვილს და მის ძალადობრივ დაჯგუფებას.
ნამდვილი დამოუკიდებლობა ნიშნავს ხალხის და ქვეყნის უფლებას თავად გადაწყვიტოს თავისი მომავალი.
“ქართული ოცნება” ცდილობს, დამოუკიდებლობის იდეა გადააქციოს რუსულ “სუვერენულ დემოკრატიად”, ცრუ პატრიოტიზმად, სადაც ხალხი დამონებულია, თავისუფლება — წართმეული, ქვეყანა — დაუცველი და გაძარცვული.
მოკლედ, არ დავუჯეროთ ცრუ პროპაგანდას. დღეს საქართველოს დამოუკიდებლობასა და თავისუფლებას არ ჰყავს იმაზე დიდი მტერი, ვიდრე ივანიშვილი და მისი რეჟიმია, ამიტომ ჩვენ ყველამ ყველაფერი უნდა გავაკეთოთ მათ მოსაშორებლად!” – აცხადებს პაატა მანჯგალაძე.
