“საძალაუფლებო სისასტიკეც კი კარიკატურულია ამ ქვეყანაში, თან ტირანიული და ამავდროულად სასაცილო, უცნაური სინთეზია…” – არჩილ გამზარდია

4 ოქტომბრის საქმეებზე დაკავებულთა პროცესებს მძიმე ემოციური შეფასებებით ეხმაურება პოლიტიკური ფილოსოფიის დოქტორი, ანალიტიკოსი არჩილ გამზარდია:

“4 ოქტომბრის სასჯელები ჩემს ცნობიერებაში არის ბოროტების ბანალურობის პრიმიტიული კარიკატურა. მაქსიმუმი, რაც შეიძლებოდა “დამნაშავეების” სასჯელად, საზოგადოებრივად სასარგებლო შრომა იყო და თუ მაინც და მაინც დანაშაულს ჰქონდა ადგილი და არა დანაშაულის კარიკატურას, მაშინ სასჯელის თანაზიარები ხელისუფლების წარმომადგენლებიც უნდა ყოფილიყვნენ, როგორც წამქეზებლები, ინსპირატორები და მაპროვოცირებლები.

საძალაუფლებო სისასტიკეც კი კარიკატურულია ამ ქვეყანაში, თან ტირანიული და ამავდროულად სასაცილო, უცნაური სინთეზია, ალბათ ამიტომაც ვერ იგრძნობა მასობრივ ცნობიერებაში ის სისასტიკე, რასაც მმართველი ინსტიტუციები მიმართავენ, რადგან მმართველებიც კარიკატურულები არიან და ხშირად, წინააღმდეგობის აფექტურობაც კარიკატურულია“, – წერს არჩილ გამზარდია სოციალურ ქსელში.