საქართველოს სტრატეგიული ანალიზის ცენტრის დამფუძნებელი ნოდარ ხარშილაძე, სხვადასხვა სფეროს ექსპერტებთან გიორგი ვაშაძის შეხვედრას ეხმიანება და აღნიშნავს, რომ ნებისმიერ კრიზისში სამი ძირითადი კომპონენტი იკვეთება, რომლის გეგმაც უკვე აქვს “ახალი საქართველოს” თავმჯდომარეს:
“დიდი მადლობა Giorgi Vashadze / გიორგი ვაშაძეს საინტერესო შეხვედრისთვის.
სამი ძირითადი კომპონენტი იკვეთება ნებისმიერ კრიზისში:
1. არ დაუშვა კრიზისის (ამ შემთხვევაში ვირუსის) გავრცელება
2. შეაკავო პანიკა და არ დაუშვა სახელმწიფო ინსტიტუციების მოშლა
3. რაც შეიძლება ნაკლები ეკონომიკური ფასი გადაიხადო პირველ ორში
დღეს ჩვენ ვებრძვით ძირითადად ვირუსის გავრცელებას, ვებრძვით წარმატებულად რაც ძალიან კარგია, მაგრამ არ ჩანს რას ვაკეთებთ პანიკის გავრცელებასა და ეკონომიკასთან დაკავშირებით.
გიორგი ვაშაძემ გაგვაცნო გეგმა, რომელიც სამივეს ითვალისწინებს. საკამათო და სადისკუსიო რა თქმა უნდა ბევრია, მაგრამ არსებობს გეგმა და არსებობს ხედვა.
ძალიან მნიშვნელოვანია, რომ ხელისუფლებასაც ჰქონდეს ასეთი ჩამოყალიბებული ხედვა და ფართოდ გაზიარებული საყოველთაო გეგმა.
კვირის ბოლოს დაგეგმილია შეხვედრა Georgian Strategic Analysis Center -ში, სადაც რეფორმების ლაბის ფორმატში მივაწვდით ჩვენს ხედვებს და რეკომენდაციებს. მოგიწოდებთ ყველას ჩაერთოთ და მოგვაწოდოთ თქვენი მოსაზრებები.
და ბოლოს, ყველანი მზად ვართ სრული დახმარება აღმოვუჩინოთ ხელისუფლებას ნებისმიერი გეგმა/სტრატეგიის ჩამოყალიბებაში,” – წერს ფეისბუქის პირად გვერდზე ნოდარ ხარშილაძე.
