“მოსახლეობაში ნეგატიური მოლოდინები იზრდება და რასაც ეკონომიკაზეც გავლენა ექნება” – ალექსი ნონიაძის ანალიტიკური შეფასებები

2025 წლის იანვარის თვეში სახელმწიფო ხაზინაში გადასახადების სახით 2 მილიარდი ლარი მობილიზირდა.

იანვარში საშემოსავლო გადასახადმა 836 მლნ. ლარი შეადგინა, რაც წინა წლის ანალოგიურ პერიოდთან შედარებით გაზრდილია 17%-ით, შესაბამისად მოგების გადასახადი – 273 მლნ. ლარი – 17% -იანი ზრდა, დღგ – 806 მილიონი – 0,9%-იანი (7 მლნ. ლარით) კლება, აქციზის გადასახადი – 110 მლნ. ლარი – 38%-იანი კლება [1].

მოგებისა და საშემოსავლო გადასახადის ზრდის პირობებში, როდესაც მცირდება დღგ და აქციზის გადასახადი, იმას ნიშნავს, რომ ჩვენი მოქალაქეების (მომხმარებლების) მოლოდინები ნეგატიურია და ცდილობენ ნაკლები დახარჯონ, რათა შემოსავლის დიდი ნაწილი „შავი დღისთვის” შეინახონ. თუ მსგავსი ტენდენცია შენარჩუნდება, მომავალ თვეებში შემცირდება მოგებისა და საშემოსავლო გადასახადების მოცულობაც, რაც თავის მხრივ ჯაჭვური რეაქციით ეკონომიკის შემცირებას გამოიწვევს.

შეგახსენებთ, რომ „ქართული ოცნების“ აღმასრულებელი მდივნის მამუკა მდინარაძის განცხადებით, წინა წლის 10%-იანი ზრდის ნაცვლად საქართველოს ეკონომიკური განვითარება 6,5%-მდე შემცირდა და გაუარესდა ლარის კურსი[2].

პუბლიკაციაში გამოყენებული წყაროები:

1. https://bm.ge/news/ianvarshi-biujetshi-dghg-s-shemosavali-shemtsirda?fbclid=IwY2xjawIPCf1leHRuA2FlbQIxMQABHddo1NNvQ-mSlRsvYO06tBV0bQ-76vfz4UmeE8iH_cHoEW3dH578zvDOvw_aem_-73C0s8PX2FygtRD3FMLbg
2. https://bm.ge/news/otsneba-aghiarebs-rom-28-noembris-gantskhadebis-shemdeg-qveynis-ekonomikuri-zrda-sheferkhda

ავტორი
ალექსი ნონიაძე