“ანტისაოკუპაციო მოძრაობის“ წევრი, დავით ქაცარავა Facebook-ის პირად გვერდზე სტატუსს აქვეყნებს, სადაც მწვავე შეფასებას აკეთებს რუსეთში, BRICS-ის ჩემპიონატზე საქართველოსა და ოკუპირებული რეგიონების დროშების გამოჩენასთან დაკავშირებით:
,,რუსეთმა საქართველოს დროშა ოკუპირებული აფხაზეთის და სამაჩაბლოს ე.წ. დროშებთან ერთად გამოაჭენა.
BRICS (ბრაზილია, რუსეთი, ირანი, ჩინეთი, სამხრეთ აფრიკა) თამაშებზე რუსეთმა მიიწვია ოკუპირებული აფხაზეთის და სამაჩაბლოს სპორტსმენები, გამოიტანა საქართველოს დროშა და კიდევ ერთხელ ხაზი გაუსვა იმას, რომ საქართველომ უნდა დაივიწყოს ოკუპირებული ტერიტორიების უკან დაბრუნებაზე ოცნებაც კი.
მახსოვს, ცოტა ხნის წინ ,,ოცნების” ერთ-ერთი პოლიტიკოსი აცხადებდა, ამერიკა და ევროპა გოიმობააო, აწი ბრიკსია ჩვენი ნათელი მომავალიო”, – წერს დავით ქაცარავა.
ავტორი
ნინი ხიჯაკაძე
