“შარშან ხომ წყლის ჭავლზე ცეკვავდნენ, წელს კედლებშიც გაივლიან, თუ დასჭირდებათ და თავის ქვეყანას ეს მზის შვილები სიბნელეს ხელიდან გამოსტაცებენ!” – ლელა ჯეჯელავა

ქვეყანაში მიმდინარე პროცესებს ეხმაურება “ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა:

“ასე ხელის გულზე არასოდეს ყოფილა შავი და თეთრი, ასე იოლი არასოდეს ყოფილა არჩევანი, ასე ძლიერი არასოდეს ყოფილა იმპულსები!

სად ხარ შენ, აქ და ახლა? სიცოცხლის და სინათლის ენერგიით სავსე რუსთაველის გამზირზე ივსები, იზრდები და მისდევ ახალ ვარსკვლავს შენი ქვეყნისას და საქართველოს მყოობადის დაბადებას შეჰხარი, თუ საკუთარი მომავლის მაწყევართა შორის შეშინებული, გაბოროტებული, გაავებული მთელს სამყაროზე, რომ ამჯერადაც შეცდი, ამჯერადაც ვერაფერი გაუგე ისტორიული პროცესის ლოგიკას, ამჯერადაც კუუჭს დამორჩილდი და გული ისე გაიციე რომ აღარც არაფერს გითქვამს საიმედოს, უსახელო, უგვარო, უსქესო, უასაკო, უთვისტომო ტროლად გადაქცეული ისევ შხამს აფრქვევ ხვალინდელი ლუკმის მოლოდინში?

შარშან ხომ წყლის ჭავლზე ცეკვავდნენ, წელს კედლებშიც გაივლიან, თუ დასჭირდებათ და თავის ქვეყანას ეს მზის შვილები სიბნელეს ხელიდან გამოსტაცებენ!“, – წერს ფეისბუქის პირად გვერდზე ლელა ჯეჯელავა.