“ბიძინა ივანიშვილს რომ “ოფშერებში” ფული აქვს და საქართველოში რიცხავს, მაგალითად, “ქართუ ფონდი” უნდა იყოს თუ არა გამჭირვალე?” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე პოლიტიკურ შეფასებას აკეთებს ფინანსურ გამჭვირვალობასთან დაკავშირებით:

,,ხვალ ევროკავშირის წევრი უნდა გავხდეთ და გამჭვირვალობა დავიწყოთ საქართველოდან. საქართველოში ბიუჯეტის ხარჯვა არ უნდა იყოს გამჭვირვალე?

მე გეკითხებით – ღარიბაშვილის მამა როგორ გახდა მილიონერი, არ უნდა იყოს გამჭვირვალე? როგორ გახდა, 30 მილიონერი მაჟორიტარი რომ ჰყავს ,,ქართულ ოცნებას”, საიდან იშოვეს ამ ხალხმა ეს ფული, არ უნდა იყოს გამჭვირვალე? მე არ მესმის ეს ფარისევლური განცხადება – თურმე ამერიკის გადასახადის გადამხდელების ფულის გამჭვირვალობა უნდა ვაკონტროლოთ და საქართველოს ფულის გამჭვირვალობა არ უნდა მოვახდინოთ?

ბიძინა ივანიშვილს რომ ,,ოფშერებში” ფული აქვს და საქართველოში რიცხავს, მაგალითად, ,,ქართუ ფონდი” უნდა იყოს თუ არა გამჭირვალე? სად არის, აბა, მოთხარით? ერთი ხაზი მითხარით, რას აკეთებს ,,ქართუ ფონდი”, ვინმემ იცის?!

ევროკავშირის წევრი როცა გახდება საქართველო და მივდივართ ევროპისკენ, არ შეიძლება ევროკავშირს ვუწესებდეთ გამჭვირვალობის სტანდარტს!”, – განაცხადა პაატა მანჯგალაძემ.

ავტორები
ნინი ხიჯაკაძე
ალექსანდრე ლეჟავა