7-8 მარტის საპროტესტი აქციების დროს დაკავებული აქტივისტის, ლაზარე გრიგორიადისის ბაბუა, გია კალანდაძე, ,,უცხოური გავლენის გამჭვირვალობის’’ კანონპროექტის წინააღმდეგ საპროტესტო აქტივობების დასაგეგმად ახალგაზრდული მოძრაობების მიერ გამართულ საორგანიზაციო შეხვედრას ესწრებოდა. სააგენტო ,,პარალელთან’’ ინტერვიუში იგი ემოციურ კომენტარს აკეთებს ლაზარეს პატიმრობასთან დაკავშირებით:
-
როგორც ცნობილია 8 აპრილს დაგეგმილია რამდენჯერმე გადადებული ლაზარეს დასკვნითი სასამართლო პროცესი, როგორ დააკავშირებდით დღევანდელ დღეს და ლაზარეს საქმეს?
– ლაზარეც ზუსტად ამ საქმეზე ზის და დაკავშირებაც არ უნდა, ყველა მიხვდება, რომ იგივე საქმეს იმეორებენ, იგივე კანონი შემოაქვთ, რაც მაშინ იყო შემოგდებული და ლაზარე რის გამოც დღესდღეობით იხდის სასჯელს, დაუმსახურებელ სასჯელს.
-
როგორია ლაზარეს პოზიცია, ხომ არ გისაუბრიათ ამ თემასთან დაკავშირებით?
ლაზარე ძალიან აღშფოთებულია, მე არ მისაუბრია, გუშინ ჟურნალისტები ესაუბრნენ და ჟურნალისტების გადმოცემით აღშფოთებულია, ლაზარეს თავის თავზე შევეკითხეთ რამდენიმე კითხვა დავუსვითო და არ გვიპასუხაო, მარტო ამ თემის გარშემო გველაპარაკაო. კონკრენტულად რა ილაპარაკა არ ვიცი, ხვალ ან ზეგ გაავრცელებს ერთ-ერთი ტელევიზია ლაზარეს აუდიო ჩანაწერს და უფრო დაზუსტებით გავიგებთ.
ავტორი
მარიამ ხაჩირაშვილი
