“12 წელია ლავროვი, პესკოვი და სიმონიანი ქოცებს აქებენ” – ზაზა ბიბილაშვილი

,,ჭავჭავაძის ცენტრის” დამფუძნებელი, ზაზა ბიბილაშვილი Facebook-ის პირად გვერდზე პოსტს აქვეყნებს, სადაც საუბრობს მმართველი პარტიის პოლიტიკასთან დაკავშირებით:

,,სანამ ივანიშვილი ხელისუფლებას ხელში ჩაიგდებდა, ის ამბობდა, რომ საქართველო “პატარა სოფელია”, რომელმაც თავისი ადგილი უნდა იცოდეს.

ახლა, როცა ოლიგარქს სახელმწიფო მიტაცებული აქვს, მისი მარიონეტები ყოველდღიურად ეჯგიმებიან მეგობარ დასავლეთს. აი, მაგალითად, უშუბლისძარღვო კალაძე:
“საქართველო არ არის ხელწამოსაკრავი, ვიღაც ევროპარლამენტარმა გააკეთოს მოწოდებები, თუ ვინ უნდა გათავისუფლდეს და ვინ დააკავონ. საქართველო არ არის რომელიღაც ქვეყნის გუბერნია“.

გახსენდებათ ერთი მსგავსი განცხადება ოკუპანტი რუსეთის მიმართ? ერთი მაინც – 12 წლის მანძილზე.

ვერ გაგახსენდებათ, რადგან 12 წელია, ქოცს ერთი ნაბიჯი არ გადაუდგამს, რაც რუსს არ მოეწონებოდა. 12 წელია ლავროვი, პესკოვი და სიმონიანი ქოცებს აქებენ.

ან კი რატომ არ შეაქებენ, როცა ასეთი მონურად ერთგული მთავრობა აქ არასდროს ჰყოლიათ?“, – წერს ზაზა ბიბილაშვილი.

ავტორი
ნინი ხიჯაკაძე