ანალიტიკოსი გია ხუხაშვილი ოთარ ფარცხალაძესთან დაკავშირებით განვითარებულ პროცესებს ფეისბუქის პირად გვერდზე გამოქვეყნებული პოსტებით ეხმაურება:
“მინდა მივმართო “ქართული ოცნების” დეპუტატებს, ყველა იმ ადამიანს, ვინც ხელისუფლების ორბიტაზეა – ნუ გექნებათ იმის იმედი, რომ თურნავას ბრძანება დაგიცავთ!…
გაბოლებთ პატრონი. ვერც დაგიცავთ, არც დაგიცავთ და რომც მოინდომოს, არცა აქვს ამის თავი.
თუ სანქციები შეგეხოთ, ისეთი მექანიზმია, მას წინ ვერაფერი დაუდგება…
ამიტომ, ნუ ჩაყვებით ისტორიის საფლავში… თავს მიხედეთ ბიძია, სანამ ამის საშუალება კიდევ გაქვთ…“, – აცხადებს გია ხუხაშვილი და ასევე, მანამდე გამოქვეყნებულ პოსტში, ყურადღება გაამახვილა იმის თაობაზე, თუ რატომ იცავს ასეთი მონდომებით ხელისუფლება ოთარ ფარცხალაძეს:
“რატომ ვერ წირავს ხელისუფალი ფარცხალაძეს?
სიამოვნებით გაწირავდა და არც მისგან შესაძლო კომპრომატის ეშინია.
მისი პრობლემა ბევრად უფრო მასშტაბურია.
საქმე იმაში გახლავთ, რომ დღეს სისტემაში ყველა პატარა, თუ დიდი ფარცხალაძეა.
ამ ხალხისთვის პრინციპულად მნიშვნელოვანია კითხვაზე პასუხი – შეუძლია თუ არა ბიძინას იგივე პრობლემების წარმოშობის შემთხვევაში მათი დაცვა?
მან იცის, რომ ეს აღარ შეუძლია, მაგრამ იძულებულია მოახდინოს დაცვის იმიტაცია, რადგან ესმის რომ სხვა შემთხვევაში სისტემა ჩამოეშლება. ახლა ცდილობს დრო მოიგოს და ამასობაში რაღაც ისეთი დაატრიალოს, რაც ყველაფერს გადაფარავს.
ამიტომ, ახლა სჭირდება საზოგადოებას და ოპოზიციას განსაკუთრებული სიბრძნე, სიფრთხილე და ამასთანავე პრინციპულობა, რომ ამის საშუალება არავის მისცეს…“, – აღნიშნავს გია ხუხაშვილი.
