“ივანიშვილის თოჯინამ დღეს ხალხის ფული ახსენა…” – ირაკლი კობახიძე

პარტია “ხალხისთვის” ლიდერი, ანა დოლიძე მთავრობის მეთაურ ირაკლი კობახიძის მიერ გაკეთებულ კონკრეტულ განცხადებას ეხმაურება:

“ივანიშვილის თოჯინამ დღეს ხალხის ფული ახსენა, დიუშენის მკურნალობას რომ არ აფინანსებენ, ამასთან დაკავშირებით: კი, მაგრამ ის ?? ათასი ლარი, თითოეულ უსაქმურ პარლამენტარს რომ ხმარდება, ეს ხალხის ფული არ არის? ის სამასი მილიონი, რომელიც ჩინოვნიკების მანქანებსა და ბენზინზე იხარჯება, ეს ხალხის ფული არ არის?

როგორ იჭრება და იკერება ეს „ხალხის“ ფული? როცა ბავშვებზეა საუბარი, კვებაზე თუ მკურნალობაზე, მაშინ ენანებათ და უსაქმური ჩინოვნიკებისთვის არა?!” – წერს ანა დოლიძე სოციალურ ქსელში.

ცნობისათვის: ირაკლი კობახიძე დიუშენის სინდრომის მქონე ბავშვებისთვის თანხის გამოყოფასთან დაკავშირებით აღნიშნავს, რომ “ის თანხა, რომელზეც არის საუბარი, იქნება ეს 50 მილიონი თუ 60 მილიონი, არ არის ის თანხა, რომელსაც საკუთარი ჯიბიდან ვიღებთ და გავცემთ. ეს არის ხალხის ფული, გადასახადის გადამხდელთა თანხების ერთობლიობა. აქედან გამომდინარე, ერთადერთი, რამაც ჩვენ შეიძლება შეგვაკაოს, როდესაც საუბარია თანხების პრაგმატულ ხარჯვაზე, ეს არის პასუხისმგებლობა ქართველი ხალხის მიმართ…“