ყოფილმა მთავარმა პროკურორმა, ოთარ ფარცხალაძემ, სანქცირების შემდეგ, მის საკუთრებაში არსებული ქონება შვილს, ანდრია ფარცხალაძეს აჩუქა, რაც შესაბამისი დოკუმენტებით დასტურდება. თემასთან დაკავშირებით, ტვ ,,პირველის“ ჟურნალისტთან კომენტარს აკეთებს “გამარჯვების პლატფორმის” ერთ-ერთი ლიდერი, “სტრატეგია აღმაშენებლის” თავმჯდომარე, პარლამენტის წევრი გიორგი ვაშაძე და იუსტიციის მინისტრ რატი ბრეგაძეს ოთარ ფარცხალაძის ინტერესების უზრუნველყოფაში ადანაშაულებს:
,,იუსტიციის მინისტრი პერსონალურად ჩადგა ჯაშუში ფარცხალაძის სამსახურში. მოქალაქეობის შეწყვეტის ნაცვლად, მთელი მილიონობით ტრანზაქციის შესაძლებლობა მისცეს.
ყველა მათი განცხადება, რომ ,,ახლა მივმართე მე…“, ,,გავუგზავნე პრეზიდენტს…” – ყველაფერი არის, აბსოლუტურად, თვალის ასახვევად.
ფარცხალაძის ჯაშუშის მსახურებაში არის მთელი სისტემა და მეორე, – ეს დოკუმენტები ადასტურებს, რომ ფარცხალაძე იმყოფება საქართველოში’’,- განაცხადა გიორგი ვაშაძემ.
ავტორი
მარიამ ხაჩირაშვილი
