საპარლამენტო პოლიტიკური ჯგუფის ,,ევროოპტიმისტების” წევრი, ხატია დეკანოიძე ჟურნალისტებთან კომენტარს აკეთებს საქართველოს ევროინტეგრაციის პროცესთან დაკავშირებით:
,,ეს რეკომენდაციები არ სჭირდება ევროკავშირს. ეს არის მხოლოდ ის რეფორმები, რომლებიც აუცილებელია საქართველოს დემოკრატიის, მედია თავისუფლების და ზოგადად, საქართველოს კეთილდღეობისთვის.
ამიტომ ვფიქრობ, რომ კანონის უზენაესობა, მედია-თავისუფლება, პოლარიზაცია, რომელსაც კიდევ უფრო ამძაფრებს ,,ქართული ოცნება”, პრეზიდენტის იმპიჩმენტის გადაწყვეტილებით, სამწუხაროდ, ვერ შემცირდა. ზუსტად იმიტომ, რომ მმართველი პარტიის პოლიტიკური ნება არ არის კანდიდატის სტატუსის მიღება.
ასევე, ძალიან მნიშვნელოვანია, რაც ბატონმა ბორელმა თქვა, საქართველოს საგარეო პოლიტიკის ორიენტირები უნდა ემთხვეოდეს ევროკავშირის საგარეო პოლიტიკას”, – განაცხადა ხატია დეკანოიძემ.
ავტორი
ნინი ხიჯაკაძე
