თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილე, სოფო ჯაფარიძე ჟურნალისტებთან განცხადებას აკეთებს ახალი კამპანიის დაწყებასთან დაკავშირებით. როგორც ოპოზიციონერი ლიდერი აღნიშნავს, შეხვედრები გაიმართება მთელი ქვეყნის მასშტაბით, სადაც მოსახლეობის მიერ დაფიქსირებული მოსაზრებები უშუალოდ საქართველოს მე-3 პრეზიდენტთან განიხილება, რათა შეიქმნას გამარჯვების ფორმულა:
,,დღეს, მიხეილ სააკაშვილი არის რუსეთის ტყვეობაში და ქვეყნის ეროვნული ღირსების საკითხია ამ ტყვეობის, რაც შეიძლება სწრაფად, დასრულება. ამიტომ ისე, როგორც არასოდეს, მნიშვნელოვანი არის ჩვენი ერთიანობა და ერთად, სათანადოდ მომზადება გადამწყვეტი ბრძოლისთვის!
ხვალიდან ვიწყებთ ძალიან დიდ კამპანიას! ჩამოვალ, მთელი ქვეყნის მასშტაბით, ქვეყნის ყველა კუთხეში, მიხეილ სააკაშვილის სახელით, მოგისმენთ ყველას, მოვუსმენ ყველა, თითოეული თქვენგანის პრობლემას და მოსაზრებას ამ ურთულესი პოლიტიკური პროცესების მართვის კუთხით.
თითოეული თქვენგანის წერილობითი მოსაზრება მივა უშუალოდ მიხეილ სააკაშვილამდე და ჩვენ, ყველა ერთად შევქმნით გამარჯვების ძალიან დიდ ფორმულას, რომელიც ძალიან მალე მიგვიყვანს გამარჯვებამდე“, – განაცხადა სოფო ჯაფარიძემ.
ავტორი
ნინი ხიჯაკაძე
