“მე დარწმუნებული ვარ, რაღაც გაუგებრობასთან გვაქვს საქმე, ალბათ” – ირაკლი ზარქუა გიორგი ბაჩიაშვილის საქმეზე

პარტია ,,ქართული ოცნების“ დამფუძნებელი, ბიძინა ივანიშვილი თანაინვესტირების ფონდის ყოფილ ხელმძღვანელს, გიორგი ბაჩიაშვილს რამდენიმე ათეული მილიონის ღირებულების ბიტკოინების მითვისება/გაფლანგვას ედავება. სასამართლოს გადაწყვიტებით, ბრალდებულს გირაოს სახით 2.5 მლნ ლარის გადახდა დაეკისრა. აღნიშნულ საქმესთან დაკავშირებით ჟურნალისტებთან კომენტარი გააკეთა პარლამენტის რეგიონალური კომიტეტისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ:

,,ბატონი ბაჩიაშვილი ძალიან კვალიფიციური, კომპეტენტური ადამიანია, თავის საქმეში. ის, რაც მოხდა სიმართლე გითხრათ, ჩემთვისაც მოულოდნელი იყო. მე დარწმუნებული ვარ, რაღაც გაუგებრობასთან გვაქვს საქმე, ალბათ.

სასამართლო, გამოძიება ყველაფერს დაადგენს, რასთან გვაქვს საქმე, როგორ, რანაირად. მე ერთი რამე მინდა ვთქვა და ვისურვო, რომ ის, რაც ახლა სჯა-ბაასი მიდის ამ თემაზე, სიმართლე გაირკვეს და დადგინდეს. ამას იქით განცხადებას ვერ გავაკეთებ“, – განაცხადა ირაკლი ზარქუამ.

ავტორი
ნინი ხიჯაკაძე