მიხეილ სააკაშვილის გათავისუფლების შტაბის ხელმძღვანელი, გიორგი ჩალაძე სოციალურ ქსელში ვიდეოს და სკანდალურ ინფორმაციას ავრცელებს და მასზე დაგეგმილ ტერაქტზე საუბრობს:
“მოკლედ, მაგრად იმუშავეს.
დაზიანება ნანახია და გამორიცხულია შემთხვევითობა. პროფესიონალის ნამუშევარია.
იგეგმებოდა ტერაქტი ჯგუფის მიერ. ადევნების შედეგად ზუსტად იცოდნენ გადაადგილების მარშუტი.
მსხვერპლი მარტო მე და ჩემი ბავშვობის მეგობარი არ ვიქნებოდით. აფეთქება დააზიანებდა გარშემო მყოფებსაც.
მადლობა ყველას, ახლა ეს ამბავი ბოლომდე არის მისაყვანი.
ორგანიზატორის დაკავების დრო დადგა.
მინდა ძალიან მკაფიოდ და გასაგებად იცოდეს ორგანიზატორმა – ვერ შემაშინებ✌️ მიიღებ ზუსტად იმას რისი არიდებაც ასე ძალიან გსურს“, – წერს ფეისბუქის პირად გვერდზე გიორგი ჩალაძე.
გიორგი ჩალაძის მიერ გავრცელებული ვიდეო
ინფორმაციისთვის. აღნიშნულ ფაქტამდე რამდენიმე საათით ადრე გიორგი ჩალაძემ, სოციალური ქსელის მეშვეობით, საქართველოს შინაგან საქმეთა სამინისტროს მიმართა:
“პოლიციას აქვს ფოტო, სახელი, გვარი და დაბადების თარიღი.
პოლიცია მოვიდა. მივდივართ ე.წ. პირველ განყოფილებაში – ხარფუხი/ ორთაჭალა/ კრწანისი🤷♂️
შინაგან საქმეთა სამინისტრო, ამ წუთას ჩემზე სიცოცხლის მოსპობით ხორციელდება მუქარა სოციალური ქსელით.
112 ინფორმირებულია და არკვევენ პარტიულ კუთვნილებას.
30 წუთი გავიდა შეტყობინებიდან, ჯერ თქვენი ეკიპაჟი არ მოსულა.
იმედი მაქვს იმოქმედებთ ისევე ეფექტურად როგორც წინა შემთხვევაში,” – აცხადებს გიორგი ჩალაძე.
