ვიცე-პრემიერი, კულტურის, სპორტისა და ახალგაზრდობის მინისტრი, თეა წულუკიანი ტვ ,,იმედის” გადაცემაში ,,იმედი Live” საუბრობს არასამთავრობო სექტორის გამჭვირვალობაზე, თუ რატომ უნდა იყვნენ ანგარიშ-ვალდებულები და რომ უნდა წარმოადგინონ შემოსავლების დეკლარირებული ვარიანტი, რასაც ,,უცხოური გავლენის აგენტების“ კანონპროექტი ითვალისწინებს.
,,რაც მე წავიკითხე, ეს ქართული კანონპროექტი – ყველაფერი ეხება იმას, რომ არასამთავრობო სექტორს და ისიც იმ შემთხვევაში, ყველა შემთხვევაში – არა, თუ მათი შემოსავლის 20% არის უცხოეთიდან მომდინარე, გიჩნდება ვალდებულება, რომ დეკლარირდე, მაგრამ საქმიანობა არ გეკრძალება.
მთავარი არის ის, რომ გვინდა თუ არა არასამთავრობო სექტორში გამჭვირვალობა? ვისაც ეს არ უნდა, ამაზე გაგვცენ პასუხი – რატომ?! თანაც, ეს არ ეხება ფიზიკურ პირებს, არამედ არასამართლებრივ ენაზე რომ ვთქვა – ორგანიზაციების ანუ ,,ააიპ”-ებს, პირდაპირ წერია კანონის პროექტში.
თუ სახელმწიფოს წინაშე შენ, კანონით არ გაქვს რაიმე ვალდებულება, სახელმწიფო ვერ შემოგივარდება ვერც სახლში, ვერც ტელევიზიაში და ვერც ორგანიზაციაში. ეს შევარდნები იყო ადრე.
იმ რეალობაში ვართ, რომ ზოგიერთი არასამთავრობო ორგანიზაცია, პირდაპირ არის მოწადინებული, რომ იყოს ჩართული სახელმწიფოს მართვაში. თუ შენ გინდა, რომ იყო სახელმწიფოს მართვაში ჩართული, თუ შენ მე უნდა მიბრძანო, ხელისუფლებას რა ვაკეთო – მარჯვნივ წავიდე თუ მარცხნივ, ასეთი კანონი მივიღო თუ ისეთი – უნდა გქონდეს რაღაცა ტიპის ანგარიშ-ვალდებულება, იმ საზოგადოების წინაშე, რომლის სიკეთისთვისაც შენ გინდა, რომ მართო საჯარო პროცესები”, – განაცხადა თეა წულუკიანმა.
ავტორი
ნინი ხიჯაკაძე
