“მე რომ ოდნავ მაინც ეჭვი მქონდეს, რომ ის განგებ აკეთებს ამას, მე არავითარ შემთხვევაში ზიარების უფლებას არ მივცემ მას” – მეუფე ნიკოლოზი მიხეილ სააკაშვილის შიმშილობაზე

საქართველოს მე-3 პრეზიდენტი კლინიკა ,,ვივამედში” ახალქალაქის, კუმურდოსა და კარის მიტროპოლიტმა, მეუფე ნიკოლოზმა (ფაჩუაშვილი) მოინახულა. მისი განცხადებით, მიხეილ სააკაშვილის ჯანმრთელობის მხრივ ცუდისკენ მიდის ყველაფერი:

“რომ შეხედავ ადამიანს, ძალიან დიდი სხვაობაა წინა შეხვედრის შემდეგ. ძალიან ცუდისკენ მიდის ყველაფერი.

რას ნიშნავს საკვებს არ იღებს? თუ შეჭამს, გული აერევა და კიდევ უფრო უარესი დაემართება, ეს ნიშნავს რომ არ იღებს საჭმელს?!

მე განვაცხადე და კიდევ ერთხელ ვიტყვი, რომ მე რომ ოდნავ მაინც ეჭვი მქონდეს, რომ ის განგებ აკეთებს ამას, მე არავითარ შემთხვევაში ზიარების უფლებას არ მივცემ მას“, – განაცხადა მეუფე ნიკოლოზმა.