,,ხალხის ძალის“ ერთ-ერთი, ლიდერი გურამ მაჭარაშვილი კრიტიკულ შეფასებას აკეთებს ევროკავშირის ელჩის მოწოდებებზე, რომ აუცილებელია მე-3 პრეზიდენტის სამართლებრივი საქმის გადაწყვეტა იმისთვის, რომ საქართველომ მიიღოს ევროკავშირის კანდიდატის სტატუსი:
,,ჩვენ აქამდე გვეგონა, რომ ევროკავშირის კანდიდატის სტატუსის გასაღები ბრიუსელში იყო, თურმე ,,ვივამედში“ ყოფილა. ახლა, რაც გვითხრა ევროკავშირის ელჩმა, ამას ნიშნავს ზუსტად, რომ ჩვენი საპარლამენტო დელეგაცია უფრო მეტს ბრიუსელში უნდა დადიოდეს თუ ,,ვივამედში’’ – ეს ცოტა საკითხავია.
როგორ შეიძლება ევროკავშირის ელჩმა ესეთი რამე განაცხადოს, ამდენ საუკუნოვანი, რასაც თვითონაც აღიარებენ, ჩვენც ვამბობთ, რომ ლტოლვა ჩვენი ევროინტეგრაციის დაიყვანო კრიმინალ სააკაშვილის უკანონო გათავისუფლებაზე, რასაც სხვათაშორის – ევროპული საერთაშორისო სასამართლოც კი ეთანხმება’’, – განაცხადა გურამ მაჭარაშვილმა.
ინფორმაციისთვის: ევროკავშირის 27-მა ელჩმა ერთგვარი დემარში გამოხატა და იუსტიციის მინისტრ, რატი ბრეგაძეს ერთობლივი წერილი გაუგზავნა. საქართველოში ევროკავშირის ელჩი კი მიხეილ სააკაშვილთან დაკავშირებით შემდეგ პოზიცია-შეფასებას აფიქსირებს:
“ჩვენ ძალიან შეშფოთებულები ვართ მის ჯანმრთელობის გაუარესებული მდგომარეობის შესახებ გავრცელებული ინფორმაციებით. რაც ძალიან მნიშვნელოვანია ისაა, რომ ამ დემარშს ევროკავშირის წევრი 27-ვე სახელმწიფო ეთანხმება“, – აცხადებს პაველ ჰერჩინსკი.
ავტორი
ნინი ხიჯაკაძე
