უკრაინის ხელისუფლების წარმომადგენლები ეხმიანებიან “ქართული ოცნების” ლიდერების განცხადებებს, სადაც ისინი რუსეთ-უკრაინის ომში რუსეთის წარმატებებზე საუბრობენ. აღნიშნულ საკითხზე პოლიტიკური შეფასება ტელეკომპანია ,,პირველის“ ჟურნალისტთან გააკეთა ,,სტრატეგია აღმაშენებლის“ პოლიტიკური საბჭოს წევრმა სერგო ჩიხლაძემ:
,,ერთ-ერთი საცეცი ამ რუსული ჰიბრიდული ომის არის ირაკლი კობახიძე და უფრო მსხვილად თუ ავიღებთ ,,ქართული ოცნება“, მთლიანად. საქართველოში ამ რუსული დეზინფორმაციის მთავარი დამკვეთი კი არის ბიძინა ივანიშვილი.
ომში მყოფი ქვეყანა მოუწოდებს, რომ რუსულ დეზინფორმაციას ნუ ავრცელებს, ხო? ეს ჩვეულებრივი მოწოდებაა, საკმაოდ მკაცრი.
მე ვფიქრობ, რომ ეს მოწოდებები არა მარტო უკრაინის მხრიდან, ზოგადად დასავლეთის მხრიდან, სულ უფრო მკაცრი და მკაცრი გახდება“, – განაცხადა სერგო ჩიხლაძემ.
ავტორი
ნინი ხიჯაკაძე
