“პარტიაში რომლის ხელმძღვანელობაში არიან სისხლის სამართლის დამნაშავეები ვერ იქნება ამბიცია, რომ კიდევ ერთხელ წაუძღვეს სახელმწიფოს განვითარებას” – ანა დოლიძე

პარტია ,,ხალხისთვის“ ლიდერი ანა დოლიძე “ნაციონალურ მოძრაობაში” ჩატარებულ არჩევნებს 4-პუნქტიანი შეფასებით ეხმაურება:

“ნაციონალური მოძრაობის” არჩევნებს შევაფასებ შემდეგნაირად:

1. არჩევნები თავისი ფორმით ბევრად ჩამოუვარდებოდა ჩვენი მოსახლეობის მოლოდინებს და მოთხოვნებს. არავითარი შინაარსი, არავითარი გეგმა, არავითარი დისკუსია საქმეზე. მხოლოდ ჭორაობა და სიბინძურეების დაბრალება, კულუარული ბრძოლა;

2. ნაციონალურ მოძრაობის ლიდერებს თუ გადავხედავთ, პარტიას არ აქვს ინტელექტუალური პოტენციალი უპასუხოს იმ გამოწვევებს, რომელიც ჩვენ ქვეყანას დღეს აქვს. აქ არ არის ადამიანური რესურსი, რომელიც გაატარებს აქტიურ და ძლიერ რეფორმებს, რომელიც ქვეყანას სჭირდება.

3. პარტიაში რომლის ხელმძღვანელობაში არიან სისხლის სამართლის დამნაშავეები ვერ იქნება ამბიცია, რომ კიდევ ერთხელ წაუძღვეს სახელმწიფოს განვითარებას.

4. არაფორმალური მმართველობა მიუღებელია, როგორც ხელისუფლებაში ისე ოპოზიციაში. ეს ყოველივე აზიანებს საქმეს და შედეგს“, – წერს ანა დოლიძე ფეისბუქის საკუთარ გვერდზე.