“ამ ადამიანმა აუცილებლად უნდა გააგრძელოს მკურნალობა უცხოეთში” – მეუფე ნიკოლოზი მიხეილ სააკაშვილზე

ახალქალაქის, კუმურდოს და კარის მიტროპოლიტმა მეუფე ნიკოლოზმა (ფაჩუაშვილი) საქართველოს მე-3 პრეზიდენტი კლინიკა ,,ვივამედში” მოინახულა. შეხვედრის შემდეგ ჟურნალისტებთან გაკეთებულ კომენტარში აღნიშნავს, რომ მიხეილ სააკაშვილი ყველანაირად იბრძვის სიცოცხლისთვის:

,,ხმამაღლა ვამბობ ჩემს პირად სურვილს. მე ვთვლი, რომ ამ ადამიანმა აუცილებლად უნდა გააგრძელოს მკურნალობა უცხოეთში. ჩემი ლოცვაც ამაში მდგომარეობს.

გამხდარი არის ძალიან. უფრო მეტად კიდე გახდომა თუ შეიძლება ადამიანის – ვეღარ წარმომიდგენია.

ქრისტიანისთვის სასიკვდილო ცოდვად ითვლება თვითლიკვიდაციისკენ ნებისმიერი მიდრეკილება. ამაში ადანაშაულებენ მას. მე ვამბობ, რომ ეს დიდი ცოდვაა ქრისტიანისთვის.

მიხეილ სააკაშვილი ყველანაირად იბრძვის სიცოცხლისთვის.

სიკვდილი არ მიუსჯია არავის მისთვის, ხო?! თუ ის ე.ი. სიკვდილმისჯილია, თუ მას უვადო პატიმრობა ეკუთვნის – ეს უნდა გადაწყვიტოს სასამართლომ”, – განაცხადა მეუფე ნიკოლოზმა.

ავტორი
ნინი ხიჯაკაძე