კლინიკა ,,ვივამედში“ გადაღებული კადრების გავრცელების შემდეგ, მმართველ პარტიაში მწვავე და ირონიული განცხადებები კეთდება მიხეილ სააკაშვილის ჯანმრთელობის მდგომარეობასთან დაკავშირებით. თავის პოზიციას აფიქსირებს ვიცე-პრემიერი, კულტურის, სპორტისა და ახალგაზრდობის მინისტრი თეა წულუკიანი:
,,ჩემი იუსტიციის მინისტრობის პერიოდში არაერთი პატიმარი მინახავს, რომელიც შიმშილობდა, მაგრამ ასეთი სამსაათიანი მორიგი სიმულანტობა – მე პირადად არ შემხვედრია, როდესაც იმ სისტემას ვმართავდი.
ვამბობ ამას და თან ვფიქრობ, რომ ჩემი კომენტარის მოსმენისას რაიმე ნივთი არ მომხვდეს მისი მხრიდან სახეში, ვინაიდან ჩვენ ვიხილეთ პატიმარი, რომელიც არის აბსოლუტურად არასერიოზული და დაკავებული იმით, რომ როგორმე თავიდან აირიდოს ის კანონიერი სასჯელი, რომელიც მისდა გასაკვირად, მისთვის დამოუკიდებელმა სასამართლომ მიუსაჯა“, – განაცხადა თეა წულუკიანმა.
ავტორი
ნინი ხიჯაკაძე
