საქართველოს პარლამენტის წევრი, პარტია ,,მოქალაქეების“ ლიდერი ალეკო ელისაშვილი ჟურნალისტებთან კომენტარს აკეთებს იმ ფაქტთან დაკავშირებით, თუ რატომ ვერ მოხერხდა მიხეილ სააკაშვილის ონლაინ რეჟიმში დასწრება სასამართლო პროცესზე:
,,თუ არ გაქვს რაღაც დასამალი, მაშინ გახსენი ეს პროცესი. ნებისმიერ დაინტერესებულს მიეცი საშუალება, რომ მართლა ვნახოთ, როგორ ფიზიკურ მდგომარეობაშია მიხეილ სააკაშვილი.
მიეცი ეს საშუალება ყველას და ყველანაირი ეჭვი სააკაშვილს რომ წამლავენ, კლავენ და ა.შ. – უნდა გაქარწყლდეს! თუ მართლა არ წამლავენ და მართლა არ უნდათ, რომ შეგნებულად სიკვდილამდე მიიყვანონ.
ადრე რომ დილეგში ჩააგდებდნენ ადამიანს, კაცი მომკითხველი არ ჰყავდა – არავის არ უშვებდნენ, ასეთ ეპოქაში, ფეოდალურ ხანაში ხომ არ ვცხოვრობთ?!
ეჭვები ჩნდება იქ, სადაც არის დამალული და რაღაც არის დაფარული! დღეს რომ აღმოვაჩინეთ, რომ უი ლეპტოპი არ ჰქონიათ; უი, თურმე ტელეფონი არ ჰქონიათ; უი, ტექნიკურად ვერ ჩართეს – რას ჰქვია ტექნიკურად ვერ ჩართეთ?! ეს არის თავის აგდება!“, – განაცხადა ალეკო ელისაშვილმა.
ავტორი
ნინი ხიჯაკაძე
