მიხეილ სააკაშვილის საქართველოში ჩამოსვლაზე მის პიროვნებასა და ქვეყანაში არსებულ რეალობაზე საუბრობს “ტაბულა მედიას” დამფუძნებელი, ამომრჩეველთა განათლების საზოგადოების დირექტორი თამარ ჩერგოლეიშვილი:
“ერთ-ერთი ამერიკელი/ქართველი ექიმის პოსტს გადავეყარე, “უზნეოები ხართო – ვინც უმწეო სააკაშვილს გმირობას სთხოვთო“.
მართალი გითხრათ, არ ვიცი სააკაშვილს გმირობას ვინ სთხოვს. გმირად სააკაშვილმა თვითონ გამოაცხადა თავი. თავად გვითხრა რომ გმირია და ჩვენთვის თავს წირავს. ოღონდ ამაში საპასუხო თავგანწირვას ითხოვდა (რაც უცნაურია, ასეთ გმირებზე მე არ წამიკითხავს) უამრავი ნიუსი არსებობს, რომელიც ამას ადასტურებს.
და სანამ ამ ქართულ საზოგადოებას უზნეობაში ამხელთ – ეგებ ჭკუისთვის წიხლი მიგეჭირათ და რეალობისთვის თვალი გაგესწორებინათ?
თვითონ გამოიცხადა სააკაშვილმა თავი გმირად. ჩვენ მისთვის გმირობა არ გვითხოვია. არათუ გმირობას არ ვთხოვდით, ვეუბნებოდით, რომ ეცლია ჩვენთვის ივანიშვილის დამარცხება და მისი დაჭერის საფრთხის მოხსნა და მერე ჩამოსულიყო, ჩაეტარებინა კამპანია და თუ მოუნდებოდა ხალხს ისევ, აირჩევდნენ.
წინააღმდეგ შემთხვევაში ვაფრთხილებდით, რომ ხანგრძლივი ციხისთვის მზად ყოფილიყო (და რომ არ იყო ამისთვის მზად, არანაირი გმირი არაა და ეს ზუსტად ვიცოდი, ამიტომ არ მჯეროდა, რომ ჩამოვიდა).
უზნეობა სწორედ საზოგადოების ლანძღვაა იმის გამო, რაც თავად ჩაიდინა.
ჩვენ ძალიან კარგად ვიცით, რომ გმირი არაა და არც ვთხოვთ გმირობას – ვინც არა ჰგავს კახაბერსა, ჩვენ ვერ ვიტყვით კახაბერად.
გვინდა რომ მისი სიცოცხლე გადარჩეს და ტკბილად გაატაროს ცხოვრება, თავის შვილებთან და შვილიშვილებთან – როცა ეყოლება.
გვინდა მოგვცეს საშუალება, დავაფასოთ, რაც ამ ქვეყნისთვის წარსულში გააკეთა.
ამისთვის, ივანიშვილის რეჟიმი უნდა დამარცხდეს.
მანამდე, რომც მოხდეს სასწაული, და გაუშვას საზღვარგარეთ – სანამ ივანიშვილის რეჟიმი არ ამოიძირკვება, სააკაშვილს საქართველოში ადამიანურად ცხოვრების შესაძლებლობა არ მიეცემა და ჩვენ ეს გვინდა“, – წერს ფეისბუქის პირად გვერდზე თამარ ჩერგოლეიშვილი.
