“დიაგნოზებისა და დაავადებების სიმრავლე ავტომატურად არ ნიშნავს ან გადავადების ან სასჯელისგან განთავისუფლების მიზეზი არსებობს” – მიხეილ სარჯველაძე

საქართველოს მე-3 პრეზიდენტის, მიხეილ სააკაშვილის სასამართლო პროცესი 14 დეკემბრამდე გადაიდო. საქმესთან დაკავშირებით პოლიტიკურ შეფასებას აკეთებს პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე მიხეილ სარჯველაძე:

,,ეს საკითხი სხვათაშორის ითქვა, რომ მაინც და მაინც პოლიტიკური შეფასებების საგანი არ უნდა იყოს. მე აბსოლუტურად ვეთანხმები ამ შეხედულებას.

ეს უპირატესად სამართლებრივად გადასაწყვეტი საკითხია. სამართლებრივ მხარეს რაც შეეხება – ამ თვალსაზრისითაც, არსებობს გარკვეული ნიუანსები, რომლებსაც ყურადღება უნდა მივაქციოთ აუცილებლად. იმისათვის, რომ სწორი შეხედულება ჩამოვიყალიბოთ.

თავისთავად, დიაგნოზებისა და დაავადებების სიმრავლე, მითუმეტეს როდესაც შეიძლება განსხვავებული შეხედულებები არსებობდეს ამასთან დაკავშირებით, ავტომატურად არ ნიშნავს, რომ ან გადავადების ან სასჯელისგან განთავისუფლების მიზეზი არსებობს. ამას სჭირდება კარგად შეფასება და გადაწყვეტა“, – განაცხადა მიხეილ სარჯველაძემ.

ავტორი
ნინი ხიჯაკაძე