საქართველოს პრემიერ-მინისტრი ირაკლი ღარიბაშვილი ჟურნალისტებთან შეკითხვებს პასუხობს, სადაც მწვავე და ირონიულ განცხადებას აკეთებს საქართველოს მე-3 პრეზიდენტის მიხეილ სააკაშვილის საქმესთან დაკავშირებით:
,,ერთი ის ვიცი, რომ ჩამოსვლის დღიდან ამ ადამიანმა გადაწყვიტა – ჩამოვიდა, რომ აქ რევოლუცია და სისხლისღვრა მოეწყო.
ციხეში ჩასმის დღიდან ემუქრებოდა ყველას, რომ რამდენიმე ხანში, თქვენ არ იცით – ჯერ უკრაინის ომი დაწყებული არ იყო, სისხლისღვრა დაიწყება, აქ უბედურება მოხდება, ასეთ მუქარებს აგრძელებდა ბატონი სააკაშვილი. შემდეგ იცით, რომ 60 დღე იშიმშილა, ყველა რეკორდი მოხსნა მსოფლიო ისტორიაში, შიმშილობის ყველა ისტორია. კადრებიც გავრცელდა, რომ თურმე ის ჭამდა კიდევაც, ფარულად იღებდა საკვებს.
მთავარი მინდა ვთქვა, რომ სააკაშვილის ციხეში ჩასმის დღიდან, მისი ილუზიები იყო, რომ ჯერ ერთ კვირაში უნდა გამოსულიყო გარეთ, შემდეგ 1 თვეში, 2 თვეში, 3 თვეში და თავის თავს აჯერებდა, რომ ისე კარგად ,,თამაშობდა”, ატყუებდა ყველას, რომ ყველა დაიჯერებდა ის ან შიმშილობს, ან ცუდად არის და ყველა გაუშვებდა ციხის გარეთ.
ეს, რა თქმა უნდა, არ და ვერ მოხდება! რატომ? – ჩვენ ვართ სამართლებრივი სახელმწიფო და არავის არ მივცემთ იმის უფლებას, ვინც არ უნდა იყოს, კანონზე მაღლა დააყენოს თავის ეგო“, – განაცხადა ირაკლი ღარიბაშვილმა.
ავტორი
ნინი ხიჯაკაძე
