“ქრისტიანობა არ არის ადამიანების დაგეშვა, ვიღაცისთვის რაღაცის გადაბრალება – ქრისტიანობა არის სიყვარული და მიტევება” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი პაატა მანჯგალაძე პოლიტიკურ შეფასებას აკეთებს საპატრიარქოს წარმომადგენლების მიერ გაკეთებულ კონკრეტულ განცხადებებთან დაკავშირებით, როცა, ცხრამუხის მონასტერში მომხდარი უმძიმესი ფაქტის შეფასებისას, ბრალდებები მედიის მიმართულებით გაისმა:

,,იმედი მაქვს, რომ ეს არის ცალკეული პირების განცხადება და არ გამოხატავს სრულიად საქართველოს მართმადიდებლური ეკლესიის პოზიციას, პირდაპირ შემიძლია ვთქვა, რადგან ქრისტიანობა არ არის ადამიანების დაგეშვა, ვიღაცისთვის რაღაცის გადაბრალება.

ქრისტიანობა არის სიყვარული და მიტევება.

საპატრიარქოს წარმომადგენლები პირველ რიგში ამ სულისკვეთებით უნდა აქვეყნებდნენ განცხადებებს და არა ჟურნალისტების მიმართ დაგეშვის, ჟურნალისტების საწინააღმდეგოდ ვიღაცის აზრის ფორმირებისთვის”, – განაცხადა პაატა მანჯგალაძემ.

ავტორი
ნინი ხიჯაკაძე