,,სტრატეგია აღმაშენებლის” პოლიტიკური საბჭოს წევრი სერგო ჩიხლაძე პოლიტიკურ შეფასებას ახდენს საქართველოს პრეზიდენტის, სალომე ზურაბიშვილის გზავნილებზე მიხეილ სააკაშვილთან დაკავშირებით:
,,ასეთი განცხადებები, რაღაცა ვითომ პოზიტიური გზავნილები, ჩვენ ხანდახან თვეების განმავლობაში მისგან ვისმენთ, ოღონდ ეს ქმედებაზე არ გადადის.
ამიტომ ქმედებაა საჭირო. განცხადება კი არა, რომ არ უნდა მოკვდეს. რომ არ უნდა მოკვდეს, ამიტომ მიიღე გადაწყვეტილება.
გუშინ უნდა მიეღო ეს გადაწყვეტილება როგორც გვარამიაზე, ისე სააკაშვილზე. რას აკეთებს პრეზიდენტი ზურაბიშვილი – ეს არის, რომ დასავლეთის დასანახად და გასაგონად აკეთებს ვითომ სწორ განცხადებებს, მაგრამ არ გადადის ქმედებებზე.
გადადით ქალბატონო პრეზიდენტო ქმედებებზე. შეიწყალეთ, აი, ხვალვე, ზეგვე. რად უნდა ამას დიდი დრო?!”, – განაცხადა სერგო ჩიხლაძემ.
ინფორმაციისთვის: საქართველოს პრეზიდენტის, სალომე ზურაბიშვილის მიერ ტელეკომპანია ,,BBC”-სთვის მიცემულ ინტერვიუში განაცხადა – “მე ვარ სახელმწიფოს მეთაური და არ მინდა, რომ ყოფილი პრეზიდენტი ციხეში მოკვდეს“.
ავტორი
ნინი ხიჯაკაძე
