საქართველოს მე-3 პრეზიდენტი კლინიკა ,,ვივამედში“ ,,ერთიანი ნაციონალური მოძრაობის“ პოლიტიკური საბჭოს თავმჯდომარემ კობა ნაყოფიამ მოინახულა. შეხვედრის დასრულების შემდეგ ოპოზიციონერმა ლიდერმა ჟურნალისტებთან კომენტარი გააკეთა პარტიაში მიმდინარე პროცესებთან დაკავშირებით და აღნიშნულ თემაზე მიხეილ სააკაშვილის პოზიცია გააჟღერა:
,,ამოცანა, რომელიც დღეს ოპოზიციის წინაშე დგას, ეს არის – ნიკა გვარამია ციხეში გვყავს და არის გასათვისუფლებელი; ზოგადად ქვეყანაში რეჟიმი არის შესაცვლელი. ჯობია, ვიყოთ კონცენტრირებული და კონსოლიდირებული ამ აზრის ირგვლივ.
რა დროს ახლა ,,ნაციონალურ მოძრაობაში” არჩევნები და რა დროს ეს თემა არის, როდესაც ბევრად მნიშვნელოვანი თემა არსებობს დღეს ჩვენს ქვეყანაში?!
ქვეყანას ვკარგავთ! ჯობია, რომ ამაზე ვიფიქროთ, ამის ირგვლივ ვკონსოლიდირდეთ. ვიფიქროთ იმაზე, თუ როგორ შევცვალოთ ბიძინა ივანიშვილი და ,,ქართული ოცნება” და არა იმაზე – ვინ იქნება ,,ნაციონალური მოძრაობის” პარტიის თავმჯდომარე!
მიხეილ სააკაშვილი არ ერევა ამ პროცესებში, ეს შემიძლია დანამდვილებით გითხრათ! რა თქმა უნდა, არ მოსწონს და მიაჩნია, რომ რა დროს ეს არის?!“, – განაცხადა კობა ნაყოფიამ.
ავტორი
ნინი ხიჯაკაძე
