“ქართული ოცნების” მიერ გატარებული რეფორმები საქართველოსთვის კანდიდატის სტატუსის მინიჭების კუთხით არის მხოლოდ და მხოლოდ თვალთმაქცობა და არაფერი მეტი – ხატია დეკანოიძე

ევროსაბჭოს რეკომენდაციების საფუძველზე ანტიკორუფციული ბიუროს პროექტი უკვე შემუშავებულია. აღნიშნული საკითხის პოლიტიკურ შეფასებას ახდენს ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარე ხატია დეკანოიძე და მიაჩნია, რომ ხელისუფლება სათანადოდ არ მუშაობს 12-პუნქტიანი რეზოლუციის შესრულებისთვის:

,,რეალურად მსგავსი მიდგომა კიდევ ერთხელ ხაზს უსვამს ,,ქართული ოცნების ” მიერ დესტრუქციას, რომლითაც ისინი არიან დაკავებული.

მათ შორის, 12 პუნქტის შესრულების მიმართულებით იმიტომ, რომ ეროვნული ანტიკორუფციული სააგენტოს შექმნა, ეროვნული ანტიკორუფციული სააგენტოს დირექტორის დანიშვნა უნდა ხდებოდეს გამჭვირვალედ; იმ კანონმდებლობის ფარგლებში, რომელიც უნდა იყოს ჩვენი საერთაშორისო პარტნიორების მიერ რეალურად ჩამოყალიბებული.

,,ქართული ოცნების” მიერ გატარებული რეფორმები საქართველოსთვის კანდიდატის სტატუსის მინიჭების კუთხით არის მხოლოდ და მხოლოდ თვალთმაქცობა და არაფერი მეტი“, – განაცხადა ხატია დეკანოიძემ.

ავტორი
ნინი ხიჯაკაძე