“მეორე მხარეს ბიძინა ივანიშვილი დასვით, “ქართული ოცნების” ბოსები, ან თუნდაც მთლიანად ის, რაც “ქართული ოცნებიდან” დარჩა” – გიორგი გახარია ტელეკომპანია “იმედს”-ს

მის საცხოვრებელ სახლთან ტელეკომპანია “იმედის” ჟურნალისტების მისვლას და ინტერვიუს ჩაწერის სურვილს ეხმაურება საქართველოს ყოფილი პრემიერ-მინისტრი, პარტია “საქართველოსთვის” თავმჯდომარე, გიორგი გახარია:

“ტვ იმედი”, როგორც ჩანს, ბევრი კითხვა დაგიგროვდათ. დავსხდეთ თქვენს ეთერში და ვისაუბროთ პოლიტიკურ კორუფციაზე, ოლიგარქიაზე, იმაზე, თუ როდიდან დაიწყო ქვეყნის საგარეო კურსის ცვლილება. ჩუმად სახლში დადგომას ასე სჯობს.

თქვენთვის მისაღებ ნებისმიერ ფორმატში – გნებავთ იყოს დებატების ფორმატი, მეორე მხარეს ბიძინა ივანიშვილი დასვით, “ქართული ოცნების” ბოსები, ან თუნდაც მთლიანად ის, რაც “ქართული ოცნებიდან” დარჩა,” – წერს ფეისბუქის საკუთარ გვერდზე გიორგი გახარია.

ვიდეო-ფრაგმენტს გიორგი გახარია ავრცელებს