ფსიქოლოგი, არტთერაპევტი, ფსიქოთერაპიის ცენტრ “კამარა”-ს დამფუძნებელი ნათია ფანჯიკიძე, სოციალურ ქსელში გამოქვეყნებულ პოსტში ვაკის პარკის თანამშრომელზე, დევი მეზურნიშვილზე საუბრობს, რომლის გმირულმა საქციელმა ორი მოზარდის სიცოცხლე გადაარჩინა:
“ბევრი გმირი ჰყავს ამ ტრაგედიას – თავად ბავშვები, რომლებიც მეგობრის დახმარებას უყოყმანოდ ეცადნენ და ეს საოცარი ადამიანი, დევი მეზურნიშვილი. ბავშვების მფარველი ანგელოზი, რომელმაც საბედნიეროდ, შეუძლებელი პირობების მიუხედავად, ბავშვების ამოყვანა შეძლო, მაგრამ მათგან ერთერთი გმირის, რომელიც მეგობრის დახმარებას ცდილობდა, გადარჩენა შეუძლებელი აღმოჩნდა.
პატარა გოგოს დაღუპვის გამო, ოჯახის შემდეგ ყველაზე ტრავმირებული დღეს ეს ადამიანია, რომელმაც ამდენი იბრძოლა ბავშვის სიცოცხლისთვის. ამ ქვეყანაში ასეთი ადამიანები რომ დადიან და სიყვარულის რწმენას გვაძლევენ, მხოლოდ ამიტომ ვგრძნობ თავს იმედიანად,” – წერს ფეისბუქის პირად გვერდზე ნათია ფანჯიკიძე.
