შვილმოკლული მამა, მალხაზ (ვახა) მაჩალიკაშვილი კონკრეტული შეფასება/განმარტებებით ეხმაურება სოციალურ ქსელში გამოთქმულ მოსაზრებას, რომ იგი სუს-ის ყოფილ მაღალჩინოსანს, სოსო გოგაშვილს არ ადანაშაულებს შვილის, თემირლამ მაჩალიკაშვილის მკვლელობაში:
“ცოტა არ მესმის ეს განცხადება – ის, რომ მაჩალიკაშვილი გოგაშვილს არ ადანაშაულებს თემირლანის მკვლელობაში.
არა, ეს ასე არ არის! ის, რომ მას თემირლანი არ მოუკლავს და ეს სპეც. რაზმელის ჩადენილია ვიცით ხომ ყველამ? დიახ ვიცით!
რაც შეეხება გოგაშვილს, გეტყვით – ის ყველაზე დიდი დამნაშავეა ამ სასტიკ მკვლელობაში, ის ყველაზე დიდი ბინძური ღორია, ვინც ამ საქმეში არის გარეული და რაც შეხება გომელაურს, რა თქმა უნდა, მისი ბრძანების გარეშე არ დაიგეგმებოდა. მე მგონი აქ არაფერია გაუგებარი, ყველა არის დამნაშავე – ზოგი მეტად, ზოგი ნაკლებად.
ამ წერილების ფრიალს გოგაშვილს ვურჩევდი, საბოლოოდ თქვას – ვის რამდენი დანაშაული მიუძღვის.
და მთავარი ხელყუმბარის ჩამდები ვინ არის.
თუ უნდა სისტემა ამხილოს, გაწიროს და ხელისუფლება ჩამოშალოს“, – წერს ფეისბუქის პირად გვერდზე მალხაზ მაჩალიკაშვილი.
