,,ტვ პირველის” დამფუძნებელი ვახტანგ (ვატო) წერეთელი ანრი ოხანაშვილს და “ქართული ოცნების” დეპუტატებს, მის მიმართ განხორციელებულ ფიზიკურ ძალადობაში ადანაშაულებს და მიმართავს საქართველოში ამერიკის შეერთებული შტატების ელჩს, კელი დეგნანს, რომ გასაჯაროვდეს საელჩოში მოხდარი ინციდენტის კადრები:
,,ანრი ოხანაშვილთან ერთად ბექა ოდიშარია იყო, ზარქუა და მგალობლიშვილი, მომიახლოვდა, გამომიქანა ხელი, სანამ მოვედი გონს, მგალობლიშვილმა მეორე დამაწია – ჯგუფური თავდასხმა იყო.
მე მივმართავ კელი დეგნანს: თქვენს ტერიტორიაზე მოხდა ჯგუფური თავდასხმა. აუცილებლად, საზოგადოებრივი ინტერესია, რომ ეს კადრები იხილოს მთელმა ქვეყანამ. იმიტომ, რომ ეს კადრები თუ არ იხილა მთელმა ქვეყანამ, თქვენ წაახალისებთ ამ ქვეყანაში ძალადობას. ამიტომ უმნიშვნელოვანესია – ძალიან ბევრი თვითმხილველი და კამერა იყო. საზოგადოებამ უნდა ნახოს და არ უნდა წახალისდეს დეპუტატების მხრიდან ჯგუფური ძალადობა”, – განაცხადა ვატო წერეთელმა.
ავტორი
ნინი ხიჯაკაძე
