“ცივილიზებულ სამყაროს ღიად აქვს შეფასებული გვარამიას პატიმრობა, როგორც პოლიტიკური მძევლობა” – ლევან ხაბეიშვილი

ფრაქცია ,,ერთიანი ნაციონალური მოძრაობა – ძალა ერთობაშიას“ წევრმა ლევან ხაბეიშვილმა საპატიმროში ,,მთავარი არხის“ გენერალური დირექტორი ნიკა გვარამია მოინახულა. საპატიმროდან გამოსვლის შემდეგ “მთავარი არხის” ჟურნალისტთან კომენტარში ოპოზიციონერმა ლიდერმა განმარტა, თუ კონკრეტულად რა საკითხებზე იყო საუბარი აღნიშნულ შეხვედრაზე:

,,ვისაუბრეთ კონკრეტულად იმ მოქმედებებზე, რომლებსაც სავარაუდოდ განახორციელებს ჩვენი დასავლელი პარტნიორები, ვისაუბრეთ პროკურორების, მოსამართლეების სანქცირების მნიშვნელობის თაობაზე.

მნიშვნელოვანია საყრდენი, რაზეც დგას ოლიგარქიული რეჟიმი, აი ამ საყრდენს შეექმნას სწორედ პრობლემა იმისთვის, რომ ბიძინა ივანიშილის რეჟიმმა ვეღარ შეძლოს ამ ფორმით ფუნქციონირება.

აბსოლუტურად ყველა ევროპარლამენტარი, ვისთანაც კი კომუნიკაცია ჰქონდა ანტიკორუფციული მოძრაობის წარმომადგენელს ღიად უჭერს მხარს მედიის თავისუფლებას, ღიად აფიქსირებს პოლიტიკურ დევნას ნიკა გვარამიას წინააღმდეგ და ღიად აქვს ცივილიზებულ სამყაროს შეფასებული გვარამიას პატიმრობა, როგორც პოლიტიკური მძევლობა“, – განაცხადა ლევან ხაბეიშვილმა.

ავტორი
ნინი ხიჯაკაძე