ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო, მსოფლიოს წამყვან კლინიკებში მოღვაწე ქართველ ექიმებთან იწყებს თანამშრომლობას.
ჯანდაცვის სამინისტროში იქმნება „მრჩეველთა საბჭო“, რომლის წევრებიც საზღვარგარეთ მოღვაწე, სხვადასხვა დარგის წარმატებული კლინიცისტი მედიკოსები არიან. „მრჩეველთა საბჭო“ ჩაერთვება სამედიცინო მომსახურების ხარისხისა და ხელმისაწვდომობის გაუმჯობესების, ასევე სამედიცინო პერსონალის პროფესიული განვითარების მექანიზმების შემუშავებაში.
საბჭოს წევრები ჯანდაცვის სამინისტროს მაღალკვალიფიციურ, ობიექტურ და საერთაშორისო გამოცდილების გათვალისწინებით შემუშავებულ რეკომენდაციებს გაუზიარებენ.
ჯანდაცვის სამინისტროსთან ითანამშრომლებენ ევროპისა და ამერიკის წამყვანი კლინიკის ექიმები:
1. იოსებ ნანობაშვილი (ვენა, ავსტრია)
2. მაია პატარაია (ვენა, ავსტრია)
3. დიმიტრი ტვილდიანი (ნიუ-იორკი, ა.შ.შ.)
4. თამარ ქვარცხავა (ნიუ-იორკი, ა.შ.შ.)
5. ირაკლი შოშიაშვილი (ინგოლშდადტი, გერმანია)
6. ივანე ჩაჩხიანი (პრაღა, ჩეხეთი)
7. გიორგი ნადირაძე (ტუბინგენი, გერმანია)
8. ალექსი ბაიდოშვილი (ჰოლანდია)
9. გივი მაღრაძე (ფრაიბურგი, გერმანია)
10. სოფია ქუნ-ნატრიაშვილი (ვენა, ავსტრია)
ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს
