ირაკლი კობახიძეს განცხადებაზე და ,,ქართული ოცნების“ ულტიმატუმზე უკრაინის ხელისუფლების მიმართ, რაც გულისხმობს კონკრეტულ შემთხვევაში დავით არახამიას თანამდებობიდან გადაყენებას, მმართველ გუნდში განაცხადეს, რომ სწორედ ამის შემდეგ მოხდება შალვა პაპუაშვილის ვიზიტი ბუჩაში. აღნიშნულ საკითხზე მწვავე და კრიტიკული განცხადება გააკეთა ,,სტრატეგია აღმაშენებლის“ გენერალურმა მდივანმა პაატა მანჯგალაძემ:
,,რუსეთის დელეგაციასაც კი, რომელიც იმყოფება დამანგრეველ ომში უკრაინასთან, არ გაუბედავს არახამიასთვის უფლება-მოსილების შეწყვეტის მოთხოვნა, გადაყენება და ა.შ. – ეს გაბედა კობახიძემ, რაზეც მან პოლიტიკური ფასი უნდა გადაიხადოს.
თუ ვინმეს ბოდიშის მოხდაზეა ლაპარაკი და თუ გვინდა, რომ არ მოგვეჭრას თავი საერთაშორისო ასპარეზზე – დღესვე კობახიძემ და ,,ქართულმა ოცნებამ“ არახამიასთან დაკავშირებული განცხადებების გამო მოიხადოს ბოდიში. სამძიმარი რომ გამოუცხადოს პაპუაშვილმა ბუჩაში, ამისათვის უნდა გადადგეს არახამია – ეს ნორმალურია?!“, – განაცხადა პაატა მანჯგალაძე.
ავტორი
ნინი ხიჯაკაძე
