“სტრატეგია აღმაშენებლის” ერთ-ერთი ლიდერი ანა კობახიძე, მძიმე შეფასებებით და კონკრეტული მინიშნებებით, მმართველ პარტიას მიმართავს:
“14 წელია ხელისუფლებაში ხარ.
ყველაფერი გააკეთე იმისთვის, რომ ეს შეგენარჩუნებინა.
შეიძულე ხალხი, ყველაფრის ფასად იშოვე ფული და გაქვს გავლენა.
ოპონენტებს რეპრესიებს უწყობ ამით, თითქოს, გამარჯვებული უნდა იყო, მაგრამ რეალურად რა ხდება?
კაფეში და რესტორანში ვერ შედიხარ, ჩაფურთხების გეშინია.
აუზზე ვერ დადიხარ გეშინია, ვინმემ წყალი არ მოგასხას და არ გითხრას: „ლაქა ჩამოირეცხეო“.
ნათესავებში ვერ მიდიხარ გეშინია, მწამებელი არ დაგიძახონ.
დადიხარ დაბოღმილი და იმაზე ნერვიულობ, ესენი კიდევ როგორ ახერხებენ, ასეთი ლაღები იყვნენო.
მაქსიმუმი, რაც შეგიძლია გააკეთო, არის გალავნით ამობეტონებულ შენსავე სახლში ხუთ თანამოაზრესთან ერთად შეიკრიბო, საიდანაც ერთი მაინც აღმოჩნდება ჩამშვები და რომ დაგიჭერენ, შენს წინააღმდეგ მისცემს ჩვენებას.
ეს არის ქოცის ყოფა“, – წერს ანა კობახიძე სოციალურ ქსელში.
