“სტრატეგია აღმაშენებლის” თავმჯდომარე საქართველოს ევროკავშირში გაერთიანებასთან დაკავშირებით “რესპუბლიკურ პარტიასა” და “თავისუფალმა დემოკრატებთან” ერთად დაყენებულ ინიციატივასა და ევროპის ლიბერალური პარტიიების მხარდაჭერის შესახებ საუბრობს. გიორგი ვაშაძე საზოგადოებას და პოლიტიკურ პარტიებს ამ მიმართულებით აქტიურობისკენ მოუწოდებს:
“მოგესალმებით უკრაინიდან, ძალიან დიდ გამარჯვებას მივაღწიეთ. მე პირადად, “სტრატეგია აღმაშენებელმა”, “რესპუბლიკურმა პარტიამ” და “თავისუფალმა დემოკრატებმა” დავაყენეთ ლიბერალურ ევროპულ ოჯახში საკითხი ოფიციალურ რეზოლუციაში, რომელიც მათ მიიღეს, შესულიყო უკრაინასთან ერთად საქართველოს და მოლდოვის “ევროკავშირში” გაწევრიანება.
ყველა ქვეყნის ლიბერალური პარტია ამაში დაგვეთანხმა. ეს არის ძალიან მნიშვნელოვანი დოკუმენტი, რომ უკრაინასთან ერთად საქართველოს დაჩქარებულ გაწევრიანებაზე იყო საუბარი “ევროკავშირში”.
უკრაინიდან მოვუწოდებ მთლიანად საზოგადოებას, რომ ჩაერთეთ ამ კამპანიაში.
ასევე მოვუწოდებ ყველა პარტიას, რომ თქვენც იგივე გააკეთეთ, რადგან იმ გაერთიანებებმა მიიღონ ეს რეზოლუციები, რომ საქართველო იყოს უკრაინასთან ერთად ამ დაჩქარებულ გაწევრიანებაში. გეოპოლიტიკა იცვლება და იმისთვის, რომ გვქონდეს უსაფრთხო გარემო ძალიან მნიშვნელოვანია ეს გვქონდეს”, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
