“ქართული ოცნების” ერთ-ერთი ლიდერი დიმიტრი (დიტო) სამხარაძე, “ლეიბორისტული პარტიის” თავმჯდომარის, შალვა ნათელაშვილის მიერ ბიძინა ივანიშვილთან დაკავშირებით მოყოლილ ერთ-ერთ ისტორიას, მწვავე, მძიმე შეფასებებით ეხმაურება:
“ოპოზიციის კლოუნს, ფულზე გაყიდულს და ქვეყნის გამყიდველ შალიკო ნათელაშვილს მინდა პასუხი გავცე – ჩვენი პარტიის დამფუძნებელს, ერისკაცს ბიძინა ივანიშვილს არათუ გინება, ერთი შეურაცხმყოფელი სიტყვა არ უთქვამს არასოდეს არც საჯაროდ, არც პირად საუბრებში არათუ გუნდის წევრების, არამედ ყველზე რადიკალურად განწყობილი ოპონენტის მიმართ, მიუხედავად იმისა, რომ ბევრი გინებაზე მეტსაც იმსახურებს.
ეს ბინძური ტყუილი ნათელაშვილისგან არ მიკვირს, მაგრამ ბატონი ბიძინა ივანიშვილისგან განსხვავებით, მე ვიცი სართულიანი გინებები და არ დაგაკლებდი ახლა არაფერს, უბრალოდ შენზე სიტყვის გასვრაც კი მენანება, იმდენად მდაბიო არარაობა ხარ, ნაკაცარო შალიკო“, – წერს სოციალურ ქსელში დიმიტრი (დიტო) სამხარაძე.
ინფორმაციისთვის – შალვა ნათელაშვილი ვიდეოს ავრცელებს სადაც ბიძინა ივანიშვილზე საუბრობს ნეგატიურ კონტექსტში:
“საშინელი გინება სცოდნია ბიძინა ივანიშვილს, მისგან გამოქცეულებმა როგორც მითხრეს, მათ შორის და კადრებს არჩევს ამის მიხედვით. აგინებს, აყენებს შეურაცხყოფას, მათ შორის, დედას აგინებს და ვინც მოითმენს, მაგალითად კობახიძე, ღარიბაშვილი, აი ის მოსწონს და მერე იმას აწინაურებს“, – აცხადებს შალვა ნათელაშვილი.
