“ქართული ოცნების” ერთ-ერთი ლიდერი, დიმიტრი (დიტო) სამხარაძე პარტიის საპატიო თავმჯდომარის, ბიძინა ივანიშვილის მიმართ განსაკუთრებით პოზიტიურ შეფასებებს აკეთებს და მძიმე ბრალდებებს აფიქსირებს ოპოზიციასთან დაკავშირებით:
“ყიდდნენ საქართველოს, ანგრევდნენ, ომში ითრევდნენ და სიკვდილისთვის იმეტებდნენ ჩვენს ხალხს, თავიანთი ინტერესების გასატარებლად. ამ ყველაფერს, ისევ უცხო ქვეყნის აგენტებს, ეთნიკურად ქართველებს, რადიკალ მანქურთ ოპოზიციონერებს ასრულებინებდნენ და ჩვენი სახელმწიფოს განადგურებას ცდილობდნენ!
რომ არ ყოფილიყო ერისკაცი ბიძინა ივანიშვილი, დღეს საქართველო, როგორც დამოუკიდებელი, სუვერენული და მშვიდობიანი სახელმწიფო არ იარსებებდა! უამრავი გაუბედურებული ოჯახი, დახოცილი და დევნილობაში მყოფი მოქალაქე გვეყოლებოდა!
ყველაზე დიდი ბედნიერება შენი ქვეყნის ერთგული სიყვარულია, სიამაყე – ძლიერი სახელმწიფოს მოქალაქეობა და ერის/ბერის, მომავალი თაობების დაცვა, სიხარული – შენი ქვეყნის მიღწევების, განვითარების აღიარება და სამშობლოს ინტერესების გატარება. ეს არის იმ გუნდის პრიორიტეტი, რომელიც ბატონმა ბიძინამ, ერისკაცმა შექმნა!
ჩვენს მაგარ ქვეყნას თავში ვერავინ წამოარტამს! საქართველოს მშვიდობის, კეთილდღეობის, დამოუკიდებლობის გარანტი ქართული ოცნების საპატიო თავმჯდომარეა!
დიდება უფალს, გაუმარჯოს საქართველოს🇬🇪👊🏻“, – წერს ფეისბუქის პირად გვერდზე დიმიტრი სამხარაძე.
