საქართველოს მთავრობას და პრემიერ-მინისტრს მიმართავს პარტია „ახალი საქართველოს“ თავმჯდომარე გიორგი ვაშაძე და აღნიშნავს, რომ ფინანსთა მინისტრის, ივანე მაჭავარიანის მხრიდან ბრიფინგზე გაკეთებული განცხადება იყო მოუმზადებელი ნაბოდვარი და თუ რამეს გაიგებენ მასაც გააგებინონ. ოპოზიციონერი ლიდერი აღნიშნავს, რომ საქმის კეთების ნაცვლად ბრიფინგს ბრიფინგზე მართავენ, ქვეყანა უკიდურეს გაჭირვებაშია, ხალხს კი ხელისუფლება არ პატრონობს:
“ქვეყანა უკიდურეს სიღარიბეშია, ქართველ ხალხს კი მისი ხელისუფლება არ პატრონობს და უმოწყალოდ ექცევა. ცდილობენ რომ საზოგადოების სიმპათია დაიმსახურონ, მაგრამ არ გამოსდით. ახლაც დგანან და ბრიფინგს ბრიფინგზე აკეთებენ იმის ნაცვლად, რომ საქმე აკეთონ.
მივმართავ საქართველოს მთავრობას და პრემიერ-მინისტრს. გადაახვიეთ ფინანსთა მინისტრის გამოსვლა და მოუსმინეთ მის განცხადებას, თუკი რაიმეს გაიგებთ მისი მოუმზადებელი და ნაბოდვარი სიტყვებიდან იქნებ ჩვენც გაგვაგებინოთ!” – აცხადებს გიორგი ვაშაძე.
ავტორი
თამთა ასლანიშვილი