პატიმრობაში მყოფ გიორგი ჩიკვაიძესთან დაკავშირებით განსაკუთრებით პოზიტიურ შეფასებებს აკეთებს საქართველოს მე-3 პრეზიდენტი, მიხეილ სააკაშვილი და ასევე სრულ მხარდაჭერას უცხადებს კიდევ ერთ დაპატიმრებულს, გიორგი ბაჩიაშვილს:
“პოლიტპატიმარი გიორგი ჩიკვაიძე არის გაუტეხლობის მაგალითი.
გიორგი მოწამლეს მე-8 საპყრობილეში, რომელიც იქცა მოწამვლის კომბინატად, სადაც მეც მომწამლეს და ზუსტად იგივე სიმპტომები მქონდა როგორც გიორგის.
ის შიმშილობდა, ხოლო რამდენიმე დღის წინ გამოვიდა ძალიან მნიშვნელოვანი მხილებებით, რომლებიც უკავშირდება ეფ-ეს-ბეს და ივანიშვილის კავშირს.
ამის შემდეგ მას შეუმცირეს საკვები ულუფა და აუკრძალეს დედასთან შეხვედრა, ისევე როგორც ოლიგარქის მეორე პირად მტერს, გიორგი ბაჩიაშვილს, მასაც აწამებენ ციხეში.
თუ სასწრაფოდ არ ვიმოქმედეთ ეს კაციჭამიობა სრულიად მასობრივ ხასიათს მიიღებს“, – აცხადებს მიხეილ სააკაშვილი.
